![](/sites/default/files/styles/breakpoint_376/public/2023-03/id16705-anabasis.jpg?itok=XFsAnYAS)
![](/sites/default/files/styles/breakpoint_376/public/2023-03/id16705-anabasys.jpg?itok=3oYxey-A)
The Anabasis of May and Fusako Shigenobu, Masao Adachi and 27 Years Without Images, Eric Baudelaire, Frantzia, 2011, 66’ JBAES, DCP.
Hau hiruki itxurako saiakera dokumentala da: Fusako Shigenobu Japoniako armada gorriko liderra zen, 70. hamarkadan borroka armatua erabili zuen ezker muturreko tadea. Euren lurraldean ekintza batzuk egin eta gero, Fusakok Beiruten babestu zen ia 30 urtez. May Shigenobu, bere alaba, Líbanon jaio zen eta Japonia ez zuen 27 urte bete arte ezagutu (izenburuak erreferentzia egiten dien “irudirik gabeko” urteak), bere ama atxilotu eta jaioterrira itzularazi zutenean. Eta Masao Adachi, Japoniako kultura artistiko eta politikoaren eremuan ezinbesteko izena, 70. hamarkadan idealismo iraultzailetik ekintza erradikalera pasa ziren gazte horietako bat: alde batetik, Nagisa Oshima eta Kofi Wakamatsu bezalako zuzendarien laguntzaile gisa nabarmendu zen, beranduago ejerzito gorrian sartu eta hortik aurrera aktibismo politiko erradikalarekin konprometitutako zinemagile gisa egin zuen bere karrera. Adachi paisaiaren teoriaren -Fukeiron- aitetako bat ere bada, paisaia naturalaren filmaketa, ikerketa eta behaketaren bidez sistema politikoaren opresio estrukturak erakutsi nahi dituena. Elementu hauekin badaukagu pelikula osatzen duen hirukia. Baina badago oraindik Eric Baudelairek honen guztiaren zentzua behatu-filmatu-errebelatzeko saiakera hau laburtzen duen azken elementu bat (zinematografiko eta politikoa): Anabasis Jenofonteren garaitik etxera itzultzeko noraezeko ibilera luze eta gogorra izendatzeko jatorri grekoa daukan hitza.
Eric Baudelairek bere Korrespondentziak ziklorako hautatu duen bigarren filma.
![](/sites/default/files/styles/breakpoint_376/public/2023-03/id16705-anabasis.jpg?itok=XFsAnYAS)