Anna R. Costa (Castilléjar, Espainia. 1965) gidoilaria, antzerkigilea eta zinema-zuzendaria da. Embarazados (2016) eta Bajo el mismo techo (2019) film luzeak idatzi ditu, biak Juana Macíasek zuzenduak. Paco Leónen La vuelta a la tortilla (2013) eta Vaca Paloma (2015) film laburren gidoilaria ere bada. Leonart (TVE), Ácaros (Cuatro) eta Ventdelplà (TV3) telesailetarako gidoiak idatzi ditu, besteak beste. 2006an Con lengua film laburra zuzendu eta 13 sari jaso zituen. Kataluniako Generalitatearen Sant Jordi saria jaso zuen A Glòries gidoiaren egilea ere bada. Sortzaile, zuzendari, gidoilari eta ekoizle gisa egin dituen azken proiektuak Movistar+ plataformarako Arde Madrid (2018an, Belodromoan aurkeztua) eta Fácil (Cristina Moralesen Lectura fácil eleberrian oinarritua) telesailak dira.