Programa honek, Tabakalerak dituen beste batzuek bezala, espazio bat sortu nahi du artistak, eragileak eta haien proiektuak elkarren ondoan garatu daitezen, egoiliarren eta eragile gonbidatuen artean lankidetzak sortzeko giroa eta aukera bultzatzeko helburuz.
Deialdi honen xedea da egonaldi bat eskaintzea bertako kultur sortzaile eta eragileek proposatutako kanpoko artista edo kultur eragileei, proiektu bat elkarlanean garatu dezaten.
Egonaldiak arte-proiektuak bertan garatzen hasteko nahiz martxan dauden ekoizpen-proiektuak Tabakaleran jarraitzeko izango dira, proiektua edozein formatu edo arte-alorretakoa dela ere.
Egonaldiak lau eta zortzi aste arteko iraupena izango du, eta arte-proiektua garatzeko lekua, testuingurua eta denbora eskainiko ditu oinarrietako 6.kalusulan adierazten den moduan.
Deialdira aurkezten diren proposamen guztietatik, bi proiektu aukeratuko dira. Proiektu bat apirila, maiatza eta ekaina bitartean gauzatuko da, eta bestea, urria, azaroa edo eta abendua bitartean.
Deialdian parte hartu ahal izango dute soilik EAEko egoiliarrak eta partzialki edo soilik arte garaikidearen sektorean proiektuak garatu nahi dituzten pertsona fisiko edo juridikoak, dela eremu horretan jarduten dutelako, dela sektore horretan ibilbide profesionalari ekin nahi diotelako. Nolanahi ere, bertakoa den artista/eragilea, bertakoa ez den artista/eragile batekin aurkeztu beharko da.
Egonaldi-deialdiko oinarriak deskargatu:
Deialdiaren Oinarriak (Pdf)
Eranskinak:
Ardura Anexoa (Pdf)
Deialdi honen xedea da egonaldi bat eskaintzea bertako kultur sortzaile eta eragileek proposatutako kanpoko artista edo kultur eragileei, proiektu bateratu bat edo proiektu bat elkarlanean garatu dezaten.