Ikusmira Berriak zinegileentzako egonaldi-programa bat da, talentu emergentea eta ikus-entzunezko sorkuntza babesten eta bultzatzen dituena. Egonaldiaren helburua proiektu zinematografikoak garatzeko espazioa, denbora, testuingurua eta baliabideak eskaintzea da. Programa 2015ean sortu zen, Donostia Zinemaldiaren eta Tabakaleraren arteko lankidetzatik eta, 2018tik, Elías Querejeta Zine Eskolak (EQZE) ere parte hartzen du. Ikusmira Berriak-en esanahia ikuspuntu berriak edo begirada berriak da eta, izenak berak dioen bezala, helburu bikoitza du: talentu zinematografiko berriei laguntza integrala ematea eta narratiba eta ikuspuntu garaikide berriak bilatzea.
Beren proiektua Ikusmira Berriak ekimenean inskriba dezakete:
· NEST ataleko azken bost edizioetako partaideek.
· ELÍAS QUEREJETA ZINE ESKOLA (EQZE) azken hiru ikasturteetako ikasleek.
· EUSKAL AUTONOMIA ERKIDEGOko, NAFARROAko edo IPARRALDEko zinemagileek, haien proiektua gehienbat euskaraz sortu badute edo haren esparrua edo gaia euskal komunitatea bada.
· ESPAINIAko zinemagileek.
· Gainerako herrialdeetako zinemagileek.
IZEN-EMATEA ONLINE egin behar da.
Ikusmira Berriak zinegileentzako egonaldi-programa bat da, talentu emergentea eta ikus-entzunezko sorkuntza babesten eta bultzatzen dituena.
