Deialdi hau euren praktika artistikoa Euskal Autonomia Erkidegoan, Nafarroan edo Iparraldean garatzen duten eta Morphon testuinguru artistiko berriak esploratu eta euren ibilbide artistikoa zabaldu nahi duten artistei zuzenduta dago.
Morphok denbora, espazioa eta laguntza ematen die artistei, bi eginkizun izanik: batetik, artistentzako egoitza gisa, eta bestetik, artistentzako estudio-hornitzaile gisa, lan artistikorako testuinguru dinamiko eta jasangarri bat sustatze aldera. 250 bat artistarentzako estudioak kudeatzen dituzte Anberesen, eta egoitza bat zuzentzen dute Belgikako eta nazioarteko artistentzat, horiekin harremanak eta ibilbideak eratzeko.
Egonaldiak hamaika aste iraungo ditu, eta lekua, testuingurua eta denbora eskainiko ditu proiektu artistiko bat garatzeko. Egonaldia 2024ko urritik abendura egingo da.
Jasotako proposamen guztien artean proiektu bat aukeratuko da. Ingelesa jakin behar da, maila aurreratuan edo, gutxienez, erdi-mailan.
Deialdi honen helburua egonaldi artistiko bat egiteko aukera eskaintzea da Morphon (Anberes, Belgika).
