El extraño John Gerena koreografoaren dantza garaikideko sorkuntza da, eta etorkinek duten sentsazio eta bizipenak biltzea nahi du, migrazioaren zergatia edo jatorria alde batean utzita.
Zer da etorkina izatea? Zer esan nahi du atzerrikoa izateak beste herri ezezagun batean?
El extraño dantza garaikideko sorkuntza da, eta etorkinek duten sentsazio eta bizipenak biltzea nahi du, migrazioaren zergatia edo jatorria alde batean utzita.
Ez da migrazioa epaitzeko begirada kritikoa, baizik eta norbanaren barneko begirada: bakardadea, herrimina, nahia, herstura eta berlokalizazioa. Gorputzak, espazioak eta harremanak, galerak eta irabaziak, hutsa, urduritasuna eta desoreka, galderak eta hondakinak.
Euskadiren eta Quebecen artean sortzaile eta koreografoen trukea sustatzeko xedearekin, Quebeceko Arteen eta Letren Kontseilua, Dantzaz, Tabakalera eta Gipuzkoako Foru Aldundiak lankidetza-hitzarmenaren emaitza den El extraño sortzeko, John Gerena koreografoak Tabakaleran eta Dantzaz Sormen Koreografiko Nazioarteko Zentroan egonaldia egin du.