Esfera publikoa eta hezkuntza gurutzatzen direnean sortzen diren erronka eta aukera berriez jardungo gara Irene Amengual eta Aida Sánchezekin.
Es Baluard museoaren Cartografiem-nos proiektua: pedagogiak eta sarean oinarritutako lana museotik haratago. Irene Amengual
Solasaldi honetan Es Baluard museoaren (Palma Mallorcakoa) Cartografiem-nos proiektua aurkeztuko da. Proiektu honetan, lehen hezkuntza eskola taldeek, arte garaikidetik abiatuta, beraien ingurunea aztertu eta lantzen dute. Ekimena erabilitako pedagogietatik eta izandako elkarlanaren ikuspegitik aztertuko da. Horrela, irakaslegoa eta eragile sozialekin espazio publikoaren inguruan, aldez aurretik ezarri gabeko agenda bat izan gabe lan egiteak zer suposatzen duen aztertuko da. Proiektuaren potentzialitateak aipatzeaz gain, sortutako zailtasun eta konfliktoak ere aipatuko dira.
Zer/Zein da publikoa esfera publikoan? Pedagogia, praktika artistiko kolaboratiboak eta arte instituzioak. Aida Sánchez
Esfera publikoaren definizioa gatazka gunea da bertan barnebiltzen delako zer den publikoa, zeinek parte hartu dezakeen, edota ze lengoai den legitimoa bertan. Hau definitzea, inklusio edo esklusio sozial eta kulturala darama bere baitan. Adibide zehatzetatik abiatuta prozesu hauek pedagogiarekin, praktika artistiko kolaboratiboekin eta instituzioekin harremanetan nola funtzionatzen duten aztertuko da.
LaPublika proiektuaren barruan kokatzen den mintegi honek, “Nola eraikitzen da esfera publikoa praktika artistikoetatik?”, Bilbo eta Tabakaleran burutuko diren saio ezberdinak barnebiltzen ditu. Bigarren saio honetan, proiektu errealen azterketatik abiatuta, esfera publikoa eta pedagogiaren arteko harremanean zentratuko da eztabaida. Hezkuntza, kultur praktikak eta esfera publikoaren arteko hartu emanak birpentsatuko dira.
Esfera publikoa eta hezkuntza gurutzatzen direnean sortzen diren erronka eta aukera berriez jardungo gara Irene Amengual eta Aida Sánchezekin.