l artesano izeneko saiakeran, Richard Sennett-ek bi eskuen koordinazioa eta lankidetza interakzio sozialaren isla gisa deskribatzen ditu. Horretarako, pianoaren birtuosoaren adibidea erabiltzen du. Soziologoak Erdi Aroko tradizioan kokatzen du bere ikerketa, eta bertan, eskua bista eta adimena bateratzen dituen tresna nagusia da. Baina, esfera indibidualean mantendu ordez, pentsamenduaren eta prozesu materialen teilakatzea kolektiboki lan egiteko moduetara eramaten du autoreak.
Norabide horretan, mahai bat proposatzen dugu, lankidetza-logikatan oinarritutako argitalpen-esperientziez hitz egiteko. Kontua ez da ikuspuntuak aurretiazko borondate batzuen batuketara murriztea, edo gizakiaren barruko egia bat gordetzea (“guztiok osatzen ditugu talde txikiak”, dio eskizoanalisiak), baizik eta proiektu hauek ahalbidetzen dituzten eta eskutik eskura ugaritzen diren parte-hartze eta elkarrizketa‑mekanismoetan zentratzea arreta.
Parte-hartzaileak: Nuria Enguita eta Laura Vallés (Concreta aldizkaria), Usue Arrieta eta Nader Koochaki (-Zko argitaletxea) eta Donostiako AZPI kolektiboko kideak.
Mahai inguru bat lankidetza-logikatan oinarritutako argitalpen-esperientziez hitz egiteko.