Food fictions gastronomia-ekologia-osasuna-ikerketa artistikoa ardatz dituen eta haren adar eta aukera guztietan espekulatzeko prest dagoen lan-ildo bat da. Medialabek hasitako lan‑ildo bat da, eta erronkak (alegiazkoak edo benetakoak) irudikatzea eta horietatik abiatuta erantzun sortzaileak ikertzea planteatzen du. Abiapuntua “What if” bat edo planteamendu ireki bat izan daiteke; eta emaitza praktiko jakin bat bilatzen ez bada ere, prozesua eta prozesu horien azken ekoizpen posibleetan aukera berriei atea irekitzea planteatzen da. Kasu honetan, Food Hack Lab-eko komunitatearekin diseinutik eta elikaduratik edo janaritik lan egiten saiatuko gara, Elsa Yranzoren eta BCCren arteko lankidetza-lana kontuan hartuta (pieza artistiko bat garatzen ari baita Medialaben 2023an).
Elsa Yranzo diseinatzailea, arte-zuzendaria eta komisarioa izateaz gain, Creative Food Studio Bcn estudioa zuzentzen du. Food design & food art delakoa aldaketa-tresna gisa erabiltzen du ekosistema berri bidezkoago, jasangarriago eta ederrago bat diseinatzeko eta eraikitzeko.
Food Hack Lab Medialaben inguruan gastronomia-, sukaldaritza- edo nekazaritza-inguruneei tresna libreetatik abiatuta irtenbideak emango dizkieten proiektuak garatzeko ideiarekin sortutako lantalde irekia da.
Food_ Janaria. Nola jaten dugu? Nola ekoizten ditugu elikagaiak? Nola ekoitziko ditugu etorkizunean? Nola prestatzen ditugu elikagai horiek? Zer teknika eta aparatu erabiltzen ditugu? Irisgarria da? Zuzena al da egungo sistema?
Hack_ Gauzek nola funtzionatzen duten eta nola egiten diren zalantzan jartzen dutelako, bai orain, bai etorkizunean. Ezarritakoari buelta ematen saiatzen dira, nahi bezala aldatzeko. Diseinua eta teknologia askatu eta partekatzea, mundu guztiak eskuragarri izan dezan. Berrikuntza irekia eta baliabideen deszentralizazioa dagoeneko hemen dagoelako eta geratzeko etorri delako.
Lab_ Komunitate irekiko laborategia, ikerketa eta garapena sustatzeko baliabideak eta ezagutza biltzeko. Mundu guztia da ongi etorria.