Future Screens Film Lab: From Short to Feature

Future Screens Film Lab: From Short to Feature

2024ko urtarrilak 16, asteartea, eta 17 asteazkena. 10:00etatik 17:30era.

Tabakalerako ikus-entzunezko laborategia eta British Council elkarlanean aritu dira "Future Screens Film Lab: From Short to Feature" aurkezteko. Espainian antolatzen den"Future Screens" programaren bigarren edizioa da. Zinemagintzan trebatzeko bi eguneko programa, gorabidean dauden zinemagileei eta etorkizuneko industriako liderrei zuzendua, beren ibilbidea bultzatzeko eta kontaktu-sare bat eraikitzeko behar dituzten tresnak eta trebetasunak lortu ditzaten.

Oraingo honetan, film laburren ekoizpenetik film luzeen ekoizpenera jauzi egin nahi duten zinemagileei bereziki zuzenduta dago. Gehienez 3 pertsonako gidoigile/zuzendari/ekoizle taldeak aurkeztu ahal izango dira, proiektu bateratu batekin, baina talde bateko kide ez diren proiektu bat duten pertsonei ere irekita egongo da. Prestakuntza ingelesez emango da.

Izena emateko azken eguna 2023ko abenduaren 13a da, 23:59an (CEST). Abenduaren 20-21ean jakinaraziko dizugu programan parte hartzeko hautatua izan zaren eta edukiari buruzko informazio gehiago emango dizugu.

"Future Screens Film lab: From Short to Feature" Samm Haillay-k diseinatu eta garatu du, Erresuma Batuko zinema eta irudi mugimenduan liderra den BFI erakundearekin lankidetzan. Helburua da zinemagileei beren lehen film luzea sortzeko eta horretan laguntzeko behar dituzten tresnak eta gaitasunak eskaintzea. 

Parte-hartzaileek film labur eta luze bat ekoiztearen arteko aldeak eta antzekotasunak aztertuko dituzte programan. Gidoiaren egituraketan sartuko dira, finantzaketa-aholkuak eta pithcing-ak egiteko aholkuak jasoko dituzte eta porrotaren garrantzia ulertuko dute. Hauek izango dira saio batzuk: 

• It’s not just a different ball park it’s a different sport
• Following the money - financing and pitching session
• My brilliant film idea and how it never happened
• How to read a script – first audience tool kit
• Anatomy of your project
• The Arena

Programa hau elkarlanean antolatu dute ondoko erakundeek: British Council Espainian, British Film Institute (BFI) eta Tabakalera – Kultura Garaikidearen Nazioarteko Zentroa, Erresuma Batuak Espainian daukan enbajadaren laguntzarekin.

Eman izena hemen