Ganbara

 

Ganbara proiektuaren helburua euskarazko zinemagintzaren argazki historikoa egitea da, lehen filma errodatu zenetik gaur egunera arte. Euskal zinemagintzak ez du orain arte artxibategi digitalik izan, eta hutsune horri erantzun bat emateko asmoz abiatu dugu Ganbara egitasmoa. Filmak, zinemarekin lotutako erakundeak, ekoizpen-etxeak, profesionalak, materialak eta abarrekoak jasoko ditugu bilduma handi honetan.