Cai Tomos eta Itxaso Díaz egoiliarrek talde bat osatu nahi dute gorputza, bere istorioak eta testuingurua lantzeko. Lantegi honetan, bideoa euskarri gisa erabiliz, partaideen bideoerretratuak egingo dira, gorputzaren esperientzia, mugimendua eta emozioak jasotzeko helburuarekin.
Bizitzaren istorioak, gorputzaren istorioak, “mugimenduan dauden erretratuen” ideiara hurbiltzeko abiapuntu dira, prozesu filmiko eta koreografikoen bitartez.
Lantegia hiru elementuren inguruan izango da:
- Gure gorputzaren eta bere istorioen arteko harremana.
- Gure gorputzaren eta gure inguruaren arteko harremana.
- Ikus-entzunezko euskarriak hori erakusten nola lagun gaitzakeen.
10 egunez egindako elkartzeetan norberak bere barne konexioa kanpo espresioaren bitartez garatuko du. Ariketak norberaren gorputzaren esperientzia lantzean zentratuko dira, eta helburua bakoitzaren bideoerretratua sortzea izango da.
Guztiok erabiltzen dugu hizkuntza propio bat mugimenduan. Hitz egiterakoan eta hitz egin aurretik agertzen da guregan [baita isildu ondoren ere]. Pertsona bakoitzaren barruan bizi da. Gorputz-hizkuntza, keinuak eta jarrerak hobetzen joaten dira gorputza ingurunearekin konektatzen doan heinean.
Izena emateko epea irailaren 10era egongo da irekita.
Tomosek eta Díazek ezaugarri antzekoko lantegi bat zuzendu zuten 2016an Azkuna Zentroan, Prototipoak izenpean. Dokumental honetan lantegiaren prozesua ikus daiteke.
Cai Tomos eta Itxaso Díaz egoiliarrek lantegi hau antolatu dute gorputza, bere istorioak eta testuingurua lantzeko.