Green Manager ikus-entzunezko produkzioetarako

Ikus-entzunezko produkzioko profesionala zara? ICAAren eta Eusko Jaurlaritzaren ingurumen-baldintzak betetzen dituzten jasangarritasun-planak garatzen eta martxan jartzen ikasi nahi duzu?

Erronka horri erantzuteko, BASQUE GREEN FILM, Eusko Jaurlaritzako Kultura eta Hizkuntza Politika Sailak bultzatutako idazkaritza teknikoak, sektoreko hainbat erakunderekin lankidetzan, ikus-entzunezko produkzioko profesionalentzako aurrez aurreko tailer praktikoa antolatu du. Donostian, tailerra urtarrilaren 15ean izango da, 2DEOn (Tabakalera), 9:30etik 13:00etara. Halaber, tailer bera Gasteizen eta Bilbon egingo da, urtarrilaren 16an eta 17an (informazio gehiago hemen).

Tailer honen helburu nagusia ikus-entzunezko produkzioko profesionalei ICAAren eta Eusko Jaurlaritzaren ingurumen-baldintzak betetzen dituzten jasangarritasun-planak garatzeko eta ezartzeko behar diren oinarrizko trebetasunak ematea da. Saio horretan, azalpen teorikoak, ekoizpen berrien adibideak eta ariketa praktikoak partekatuko dira. Ondorengo eduki hauek landuko dira:

• ICAAren eta Eusko Jaurlaritzaren ingurumen-baldintzak
• Karbono-aztarna neurtzeko eta erregistratzeko sistema martxan jartzea
• Karbono-aztarna murrizteko plana idaztea eta horren jarraipena egitea
• Jasangarritasunaren kudeaketa produkzio-taldean txertatzeko gakoak

Prestakuntza-tailerrak BASQUE GREEN FILM erakundeko langileek emango dituzte, APIKA, EPE-APV, IBAIA eta EIKEN lankidetzarekin eta 2DEO, Vitoria-Gasteiz Film Office, San Sebastián Gipuzkoa Film Commission eta Bilbao Bizkaia Film Commission-en partehartzearekin.

Ezinbestekoa da izen ematea prestakuntzan parte hartzeko. Izen ematea doakoa da eta parte hartzen dutenek bertaratze-ziurtagiria jasoko dute. Ez galdu iraunkortasunari eta ikus-entzunezko produkzioari buruz ikasteko aukera ezin hobe hau! (IZEN EMATEA HEMEN)