Herrigintza, militantzia, aktibismoa. Intersekzioetan nabigatuz, McKenzie Wark-ekin batera

Ziurrenik asko eta askotarikoak izan dira euskara eta euskal komunitatea gaurdaino bizirik iraunarazteko gakoak, hala nola momentu historikoak, pertsonaia esanguratsuak, proiektu estrategikoak, politika publikoak… baina ukaezina da herrigintzak, aktibismoak, militantziak bete duen papera. Are, oraindik gaur, ere, betetzen duena. Aldiz, indibidualismoranzko eta homogeneizazioranzko joera nabarmena duen gizartean, irudi lezake herrigintza galbidean dagoela, lan bolondres eta antolatua topatzea geroz eta nekezagoa dela, iada ezer ez dela berdin. Eta hala da, ezer ez da berdin. Inoiz ez baita ezer berdina izan, ezta izango ere.

Egungo krisi anizkoitzen testuinguru digital eta golbalean, zer nolako herrigintza behar du hiztun komunitateak, eta beraz, hizkuntzaren biziberritzeak?

Galdera honen gainean elkarrizketa eraikitzeko eta komunitatearekin batera pentsatzeko, Badalab hizkuntza berrikuntza laborategiak, Euskalgintzaren kontseiluak, Jakin Fundazioak eta TEKS elkarteak, Tabakalerarekin elkarlanean, McKenzie Warken ahotsa ekarri nahi izan dugu, abiapuntuan jarriz bere "Maitasuna eta dirua, sexua eta heriotza” liburua. Akaso arituko gara desiraz, politikaz, estetikaz, gorputzaz, aldarrikapenaz, zalantzaz, poliziaz, aitaz. McKenzie Wark da kapitalismoaren, komunitatearen, generoaren eta sexuaren arteko intersekzioaz idazten duen ahotsik zorrotz eta hunkigarrienetako bat, eta harekin nabigatuko dugu intersekzioetan zehar.

Elkarrizketa kide izango ditu Danele Sarriugarte, Kuir Artxibo bizia eta Kay Subijana.