Em caso de fogo, Tomás Paula Marques, Escola Superior de Teatro e Cinema, ESTC, Portugal, 2019, 23'
Uda da Portugaleko landa-eremuan, eta bertako festak ospatzen ari dira. Chicok ezin du burutik kendu herrian beste haur baten aurka egin duten gorroto-krimena. Isilpean, harreman estua zuen harekin. Bidaia horretan, lagunen presioa dela eta, gizartearen estandarrak betetzen eta bere beldurrak eta desirak ezkutatzen saiatuko da Chico.. Nest Film Students topaketako film labur onena, ORONA SARIA.
Fiebre Austral, Thomas Woodroffe, Escuela de Cine y Televisión, Universidad de Chile, Txile), 2019, 21'
Amanda emakume adeitsu eta bakartia bere seme Danielekin bizi da Txile hegoaldeko mendikatean. Octavio, Danielen laguna, nahigabe zaurituko da basoan ehizan ari direla. Amanda arduratuko da hura sendatzeaz, eta harreman estua garatuko du haurrarekin. Konturatuko dira zauriarekiko kontaktuak plazera ematen duela, mendetasuna sortzeraino. Aipamen berezia: Nest Film Students.
La enorme presencia de los muertos, José María Avilés, Elías Querejeta Zine Eskola, 2019, 13'
Margotzaile batek parkeko banku batean utziko du mugikorra, apropos, bere azken soldata kobratu eta jaioterrira bidali ondoren. Handik gutxira, neska batek aurkitu eta beretzat hartuko du, hutsera igorritako mezu bat izango balitz bezala; deika duen mezu bat, azkenean hildakoen presentzia itzela azalduko diona.
Donostia Zinemaldiaren film laburren lehiaketaren azken edizioko irabazleak.