Kolaboratzaile bila dabiltzan teknologia edo/eta kultura digitalarekin zer ikusia duten proiektu irekien aurkezpen publikoa. Aurkezpenaren ostean, interesatuen artean lan taldeak osatuko dira eta hauek datozen hilabetetan ostegunero bilduko dira aukeratutako proiektuak garatzeko. Hirikilabs Plazaren filosofia kultura librea, diseinu irekia eta ezagutza partekatua sustatzean datza. Hemen ikus ditzakezu Hirikilabs Plazako aurreko deialdietan burututako proiektuak.
Proiektu irekien zortzigarren deialdi publikoan izena emandako proiektuak aurkeztuko dira ekitaldi honetan.
Kosmosa Entzuten // Paula Olaz Moratinos
Espazio eta soinu datuen inguruan proiektu bat garatu nahi du, datu hauek soinuaren bitartez entzutea bilatzen duen "ingurunea" sortuz. // Musikaria da eta lagungarri izango ditu honako profilak: datuak biltzeko eta prozesatzeko ezagutza duten pertsonak, baita "ingurunea" garatzeko ikus-entzunezkoetan interesaturikoak ere.
Haize errotadun itsasontzia // Anjel Jimenez
Haize errota bat itsasontzi batean itsasteko aukerarekin lan egin nahi du // Helizearen diseinuan eta 3D-inprimaketarako laguntza behar du, baita elektronika eta programazioan trebatutako jendea, itsasontzia autonomoa egiteko.
Aeromodelismo irekia // Iñaki Leizaola
Baliabide irekietan oinarrituta, aeromodelismoarekin esperimentatu nahi du, hegazkin ireki bat diseinatzeko eta fabrikatzeko aukera aztertuz. // Esperimentatzen hasteko lagun bila dabil eta, interesa izatekotan, denborarekin talde ireki bat sortzea aurreikusten du.
Etxeko Kontsumo elektrikoaren neurgailu irekia // Rafael Sasiain
Etxe baten kontsumo elektrikoaren neurria etxetresna elektrikoen arabera bereiztea du helburu (argiztapena, labea, bitroa, hozkailua garbigailua, ontzi-garbigailua) kontratatutako gutxieneko potentziaren balioa zehazteko, baita gailuak deskonektatzeko aukera emateko eta potentzia etengailua piztu ez dadin ere. Horretarako, kontrola kontsumo puntu bakoitzean edota magnetotermikoen kutxa orokorrean egin daiteke. // Kontsumo elektrikoan, datuetan edota eraginkortasun elektrikoan interesa duen edozein pertsonaren laguntza eskertuko luke.
MateMaleta // Jose Manuel López
Eskuz landutako matematikak ezagutzeko materialak sortzeko Hirikilabs laborategiak eskaintzen dizkion aukerak aztertzea du asmo. // Gaian interesa, ilusioa, ideak ekartzeko prest eta batez ere esperimentatzen ondo pasatzeko jarrera duten pertsonen bila dago.
Kolaboratzaile bila dabiltzan teknologia edo/eta kultura digitalarekin zer ikusia duten proiektu irekien aurkezpen publikoa. Aurkezpenaren ostean, interesatuen artean lan taldeak osatuko dira eta hauek datozen hilabetetan ostegunero bilduko dira aukeratutako proiektuak garatzeko.