Argazkia: "Izenburu gabe (izenburu gabe Kalero)", 2009, Asier Mendizabal, argazkiaren zati bat
Gure helburuetako bat da memoria historiko eta subalternoei buruzko eztabaida, lurralde-indarkerien eta gorputzen arteko harremanei buruzkoa, eta indarkerien ikusezintasunari eta indarkeria horiek irudikatzeari buruzkoa hurbil ditugun espazio eta lurraldera ekartzea. Horretarako, hainbat diziplinatatik abiatuz indarkeriei buruzko kontakizun hegemonikoak zartatzen dituzten zenbait figura gonbidatu ditugu; pertsona horiek Euskal Herriko arkitektura-espazioetan hauteman daitezkeen arrastoetatik abiatuz zartatu horiek aztertzen lagunduko digute. Gurekin izango dira Armina Pilav, Ariel Caine, Iratxe Jaio eta Klaas van Gorkum, Hedoi Etxarte eta Xabier Gantzarain. Horrez gain, Gantzarain goizeko solasaldiaren moderatzailea izango da eta eta arratsaldekoa Blanca Pujalsek gidatuko du.
Egitaraua
10:00-10:15: Aurkezpena
10:15-11:00: Hedoi Etxarte. Hizkuntza: EU. Itzulpena: ES & EN.
Izenburua: Biolentzia, memoria, espazio publikoa
Norenak dira plazak? Zein hildakok merezi dute plaka bat? Zergatik jarri behar ditugu eskulturak biribilguneetan? Zer da espazio publikoa? Zer esan dute galdera hauei buruz Hannah Arendt-ek, Walter Benjaminek edota Manuel Delgadok?
11:00-11:45: Jaio Iratxe + Klaas van Gorkum. Hizkuntza: EU. Itzulpena: ES & EN.
Izenburua: The Stick and the Stone
Urbina (Araba) herriko estela bat izango da gure hitzaldiaren fokoa. Estela hau guda zibil sasoian eraiki zen Kondor Legioko hiru soldadu alemanen omenez. Monumentuaren eraikitze datatik ideologia ezberdinen arteko eztabaidarako erabili da, aldaketa ezberdinak jasanez, berriki desagertu den arte. Zer gertatu den ez dakigu, baina badirudi monumentuan geratzen den aztarna bakarra guk egindako molde bat dela. Hau abiapuntutzat hartuta, memorial ofizial eta ez ofizialez, hala nola hauen bitartez paisaia bereganatzeko moduez jardungo gara.
11:45-12:00: Atsedenaldia.
12:00-14:00: Xabier Gantzarainek zuzendutako solasaldia. Hizkuntza: EU. Itzulpena: ES & EN.
16:00-16:15: Aurkezpena
16:15-17:00: Armina Pilav. Hizkuntza. EN. Itzulpena: EU & ES.
Izenburua: Transforming Violence
Hitzaldian gerrako eta ez-gerrako guneetan sortzen diren inplikazioak aztertuko dira, Sarajevo eta Mostarreko gerra adibidetzat hartuta (1992-1996). Suntsiketa militarren eta biztanleen indarkeriarik gabeko erreakzioaren arteko trantsizio-gunean, helburua da aztertzea gerran bizirik irauten duten gorputzen bakezko giza-jarduerak, komunikazioa eta gerra-aldiko etxe eta babeslekuen trukea, dokumentazio kolektiboa, eta beldurraren eta bizirik irautearen ondorioz sortzen diren arkitektura efimeroak. Hitzaldian, gerrarik gabeko guneetako hizkera espazial eta kulturalak ere aztertuko ditugu, artxiboko irudietatik ateratakoak (argazkiak, bideoak eta testuak).
17:00-17:45: Ariel Caine. Hizkuntza. EN. Itzulpena: EU & ES.
Izenburua: Granular Realism. Argazki-lekukotasun espazial kolaboratiboak aztertzeko metodoak
Azken hamarkadan, irudi espazialaren eta 3Dko eskaneatuen teknologiek harrera azkarra izan dute arkeologiari, arkitekturari, ingeniaritza zibilari, defentsari eta lehen sektoreari lotutako industrietan. Teknologia berri horiek eta haien praktika-modalitateek eremu horiek berriz egituratu zituzten, barrutik, eta, aldi berean, ikusgarritasun-baldintzak aldatuz joan dira. Indarkeria- eta nahasmendu-bitartekotzat erabili dira, baina, horrez gain, herritarrek esku hartzeko eta erresistentzia egiteko gune berriak sorrarazten dituzte. Hitzaldi honetan, beste profesional, ikertzaile eta aktibista batzuekin batera erabili ditugun metodo batzuen inguruan hausnartu nahiko nuke, irudi-tresna horiek berriz diseinatzeko, lurreko eta aireko argazkilaritza teknika konputazional, espazial eta brikolajekoekin nahastuta, praktika-modalitate zehaztugabe, kolaboratibo eta arkitektoniko bat eskaintzeko, “lekukotasun espaziala” esaten dioguna ekoizteko, kolonizazio bisual eta politikoko egoera batean eskubideen urraketa sistematikoen froga espazialak dokumentatuz eta ikusaraziz.
Hitzaldi honetan, Jerusalemen, Negev basamortuan (Israel) eta Sinjar eskualdean, Iraken iparraldean, egindako hiru lan aztertuko ditugu, eta, haien bidez, brikolajeak eta ikerketa espazialeko metodologiek herritarrei ematen dieten ahalmen politikoa aztertuko dugu.
17:45-18:00: Atsedenaldia.
18:00-19:15: Blanca Pujalsek zuzendutako solasaldia. Hizkuntza. EN. Itzulpena: EU & ES.
19:15-20:00: Boterearen formak eta geografiak proiektuaren laburpena
Urriaren 20an streaming.tabakalera.eu webgunean hitzaldiak zuzenean jarraitu.
Hiria eta bestelako politikak. Gurekin izango dira Armina Pilav, Ariel Caine, Iratxe Jaio eta Klaas van Gorkum, Hedoi Etxarte eta Xabier Gantzarain. Horrez gain, Gantzarain goizeko solasaldiaren moderatzailea izango da eta eta arratsaldekoa Blanca Pujalsek gidatuko du.