Ekoizpen digitalak ordenagailuz lagundutako diseinua eta ekoizpen mekanizatua bateratzen ditu. Fresatua, 3D inprimaketa, laser ebakitzailea, ebaketa plotterra, bordatu digitala, diseinu softwarea... ekoizpen digitaleko teknologien adibide dira.
Software librearen inguruko mugimenduen filosofia bera oinarri hartuz, azken urteetan hardware librearen inguruan ere antzeko mugimenduak sortu dira. Hauei esker, diseinu irekia eta partekatua, kode librea eta elkarlanerako jardunbideak zabaldu dira, pertsona ugarien eskuetan makinak sortzeko eta eraikitzeko aukera zabalduz.
Saio honetan ekoizpen digitaleko bitartekoak norbereganatzen dituzten bi kasu gonbidatu ditugu, bere modura berinterpretatzeko eta ikuspegi kritiko batetik birpentsatzeko. Alde batetik, Victor Barahona gurekin egongo da laser bidez grabatzeko eta mozteko bere makinaren DIY garapen propioa azaltzeko. Beste aldetik, Obsoletosek, egunerokotasunean erabiltzen diren objektu zaharrak erekuperatu eta konpontzen dituen elkarteak, ordenagailuz lagundutako makina baten diseinua eta eraikuntzaren inguruko esperientzia publikoki azalduko du.
Saio honetan ekoizpen digitaleko bitartekoak norbereganatzen dituzten bi kasu gonbidatu ditugu.