#1 Maialen Lujanbio: Bizitza happening

Tabakalerako eskailera nagusitik askotariko jendea igarotzen da, goruntz zein beheruntz. Ziur zu ere inoiz pasa zarela bertatik. Zorte apur batekin SCALA soinu instalazioak zeharkatuko zintuen. Musikara eta soinura hurbiltzeko hizkuntza eta moduak ikertzeko xedez sortu zen, eta Pauline Oliverosen Sound Patterns zein Niño de Elcheren La pena y el alivio soinu instalazioak hartu ditu. 2022ko otsailaren amaierara arte, eskaileretara gerturatuz gero Maialen Lujanbioren ahotsa izango duzu entzungai. Bizitza happening instalazioa sortu du bertsolariak, Xabier Erkiziaren laguntzarekin. Atal honetan eskaileretako hots eta zurrumurruak ekarriko dizkizugu.

Jantzi kaskoak eta adi!