Azpitik doaz-en aktibazioa I Sahatsa Jauregi eta Tripak

Sahatsa Jauregik Azpitik doaz [Segada] proposatzen du: begirada bat metalean zehar, beste gorputz batzuekin izandako esperientzien emaitza, zehazki, Andrea Berboisek, Maite Mugerzak, Marina Suárezek eta Natalia Suárezek osatutako TRIPAK konpainiakoekin. Eskultura-sistema makinizatu honek erreminten, berunaren, entitate protesikoen, armen eta gerren irudiak sorrarazten ditu eta, aldi berean, hondo-oihal gisa balio du, baina baita dramaturgia baten irudi gisa ere. Dramaturgia hiru aldiz emango da erakusketaren iraunaldian zehar.