Erakusketara bisita birtuala

Cybernetics of the Poor -Pobrearen zibernetika-: tutorialak, ariketak eta partiturak historian zehar artearen eta zibernetikaren artean sortu diren askotariko konexio motak aztertzen ditu. Tabakaleraren eta Kunsthalle Wien-en arteko koprodukzioa da, eta hemengo eta nazioarteko 24 artistaren obrak barne hartzen ditu. Ikusgai dauden lanak bilduma pribatuetatik, galerietatik eta museotatik ekarri dira (besteak beste, Museo Nacional Centro de Arte Reina Sofía eta Musée d’art contemporain de Lyon).