Kapwani Kiwanga Berlinen bizi den artista kanadiarra da. Ibilbide artistiko oparoa du, besteak beste, 2020an Marcel Duchamp sari prestigiosoa jaso zuen eta 2024ko Veneziako Arte Bienalean Kanada pabilioiko ordezkaria izango da. Erakusketan bere 3 obra daude ikusgaiI eta guk Glow. artelanean jarriko dugu atentzioa. 1713ko martxoan, New York hiriko udal-kontzejuak “esklabu beltzen eta indigenen zirkulazioa gauez arautzeko legea” onetsi zuen. Bertan esaten zen zuriak ez ziren 14 urtetik gorako pertsonak gauez kaletik ibiltzean argiontzi bat edo kandela piztuta eramatera behartuta zeuden. Horregatik eskultura beltz honen forma eta goikaldean duen argia-fokoa. Esklabotza duela urte asko abolitu zen arren, New Yorkeko Polizia Departamentuak intentsitate handiko argi artifizialak erabiltzen ditu oraindik ere babes ofizialeko etxebizitzak zaintzeko. Argiztapen bortitza arma biopolitiko gisa erabiltzen dda egun.
