Medea izena dauka Irati Gorostidik Dea Kulumbegashviliren inguruan egindako bideoentsaioak. Puntu ezberdinetan zatitzen da pieza. Lehenengoa: 1. Amaren etxea. Saiakerak Kulumbegashviliren lana dauka abiapuntu baina Gorostidik erabat zeharkatzen du. Hau izango da, adibidez, irudian ikusiko dugun lehenengo emakumea. Eta beste emakume bati buruz hitz egingo digu bere ahotsaren bitartez. Bere amari buruz hain zuzen ere. Bere ama hil eta bi hilabetera irudi batzuk filmatu zituen Mirari Echávarrirekin batera: Gorostidi bere amaren ohea desegiten. Elkarrekin zuzendutako San Simón 62 filma osatu duten irudiak dira hauek. Gorostidik bere ordenagailu eramangarrian erakutsiko dizkigu irudi ezberdinak: Kulumbegashviliren Beginning, Chantal Akermanen Jean Dielman, News from home eta No home movie eta Gorostidik berak filmatutako zenbait irudi. Pantailaren bitartez zenbait irudi, imaginario eta emakume ezberdinen artean elkarrizketa bat sortuko du Gorostidik eta bere burak egiten duen bezela beste kontzeptu batek ere zeharkatuko du Medea: amatasunak.
