Inazio Escudero

Inazio Escudero, 1972. Bere performance, tailer, kontzertu eta erakusketak museoetan, galerietan, kulturguneetan, gaztetxeetan, klubetan, musika esperimentalaren jaialdietan edo etxebizitza partikularretan egon dira ikusgai. Interneten presentzia izatea saihesten du eta, oro har, ez ditu bere ekintzak dokumentatzen, ez eta horietan zer gertatuko den aurreratzen ere.  Ezin da whatsappik gabe bizi, eta jarduera hori erosketak egitearekin, naturan ibiltzearekin, irakasle lan egitearekin, senideak ikustearekin edo txakurra paseatzearekin (txakurrik izango balu) tartekatzen du.  Aplikazio hori duenetik, nabarmen murriztu da arteari ematen dion denbora.