Irakaslegoarekin programa: Zinema errekurtso bezala

Irakaslegoarekin programa, irakasleen eta Tabakalerako hezkuntza taldearen artean jakintzak eta esperientziak partekatzeko topaketek osatzen dute.

Filmek egunerokoan presente ditugun bizipen, egoera, eztabaida eta gaiak irudikatzeko gaitasuna dutela uste dugu. Aukera ematen digute elkarrizketa eta prozesuak abiatuz, inguratzen gaituzten gaiekiko begirada kritikoa eraikitzeko. Zentzu honetan, Tabakalerako hezkuntza arloan martxan ditugun programa bi bateratu ditugu martxoan zehar Tódalas mulleres que coñezo filma abiapuntu bezala hartuta.

TÓDALAS MULLERES QUE COÑEZO

XIANA DO TEIXEIRO, ESPAINIA, 2018, 

71’ DCP JB GALIZIERA-EN-ES, AZP. ES

Pertsonaletik politikora, hainbat emakumeren bizipenek agerian uzten dute zenbateraino den maskulinoa eta bortitza kalea gaur egun. Lagunekin, kideekin eta Bigarren Hezkuntzako ikasleekin izandako hiru elkarrizketa esanguratsuen bidez, zuzendariak beldurra sustatuko ez duen beldurraren inguruko diskurtsoa egituratzeko saiakera egin du; bortitza izango ez den indarkeriari buruzko diskurtsoa. Zinema zuzena eta horizontala, autokritika eta kontakizunaren haustura. Sororitate unibertsalari buruzko istorioa.

1| Irakaslegoarekin programa: Saio honetarako filma honen zuzendaria den Xiana do Teixeiro gonbidatu dugu; filma proiektatu eta honen inguruan aritzeko aukera izango dugu berarekin. Saioaren interesa zinemari hezkuntza prozesuak abiatzeko tresna edo errekurtso bezala begiratzea da. 

Data: Martxoak 18, 10:30-13:30

Izen-ematea

2| Bestalde, Zinemaraaaa proiektuaren baitan, Tabakalerako zine-aretoak ateak irekiko ditu Bigarren Hezkuntzako eta Batxilerreko ikasle-talde eta elkarteekin etortzeko aukera eskainiz. Ildo berari jarrituz, Tódalas mulleres que coñezo filma ikusteko aukera izango dugu oraingo honetan.

Datak: Martxoak 23 eta 24an 10:00etan

Lekua: Tabakalera (Zine areto nagusia, 1. solairua)

Izen-ematea: Proiekzioan parte hartzeko idatzi mezu bat hezkuntza@tabakalera.eus helbidera, etorriko diren pertsona kopurua eta taldearen profilak jakinaraziz.

Bi proposamenetan parte hartzeak lanketa osoago bat egiteko aukera eskaintzen duen arren, aukerakoa izango da bietan parte hartzeko edo bietako batean. Edozein zalantzarako hezkuntza@tabakalera.eus helbide elektronikora idatzi.