Filminen artxibategiak, risografiak. Neurri aldakorrak
It exhausts my elbow prekarietatearen ziurgabetasunari eta “naturalizazioari” buruzko ikerketa da. Proiektu honetan bisitatu ditudan lekuek elkarren artean lotura duten istorioen hainbat geruza gordetzen dituzte, ofizialki jasota ez dauden aldaketak jasan dituztenak. 2016tik, eskala handiko hainbat eraikuntza-proiektu aztertu eta 16 mm-an grabatu ditut Attican (Grezia), azkenean huts egin dutenak. Eraikin horiek hondamendira kondenatu zituzten bukatuta egon baino lehen edo abandonatu egin zituzten urte batzuetako jardunaren ondoren. Proiektuak eraikin horien gaur egungo erabilera berri eta ustekabekoen jarraipena egiten du. Osatu gabeko etxebizitza-proiektu bat, junta militarraren garaiko amaitu gabeko hotel-konplexu bat, abandonatutako zementu-planta bat, Pireoko portuaren ondoan aurri-egoeran dagoen fabrika bat eta Atenaserako errepidean zehar egiten ari ziren eta bertan behera utzi zuten autozinema. Horiek guztiak orain, berriz ere, bizia hartzen duten lekuak dira, nork bere erara, behin-behinekotasun egoeran, itxaronaldian, bizi diren pertsonei esker. Espazioan esekita, 16mm-ko filmak “eten bat egiten du” eta hemen diapositiben eta risografoen konstelazio bihurtzen da.