Tabakaleran sortutako ikuskizuna da honako hau. Hain zuzen ere, Hirikilabs laborategian haur eta familiekin egindako Jolabs. Teknologiarekin dantzan lantegiaren emaitza gisa sortu da. Bego Krego eta María Martín dantzariek eta Fabián Morales ikus-entzunezko ekoizleak sortutako koreografia batetik abiatuta, haur eta familiek lau saiotan zehar garatu duten dantza ikuskizuna da.
Batetik, mugimendua eta dantza, eta bestetik, alde teknikoa eta interaktiboa konbinatuz, zuzeneko inprobisazioari leku ematen dion eszenografia sortzen du. Bi dantzariak eta lantegian parte hartu duten familiak ikusiko ditugu oholtzan, publikoari obraren parte har dezan gonbidatuz.
Argi interaktiboak, elektronika, bideo proiekzioak eta eguneroko elementuak nahasiz, itsas-azpiko mundua irudikatuko da, bertan bizi diren animaliei bizia emanez. Laborategian sortutako esperimentu bat izango da, non parte-hartzaileak obra bat sortzearen prozesua hasieratik bukaeraraino ezagutuko duten.
'Jolabs. Teknologiarekin dantzan' lantegi esperimentalean parte hartu duten haur eta familiek sortutako obra da honako hau. Itsas-azpiko mundua irudikatuko da eta dantza, mugimendua, parte-hartzaileen interakzioa eta obra batek behar dituen alde teknikoa konbinatuko dira.