LABVA herritarren laborategi autonomo eta autogestionatu gisa sortzen da, inguratzen gaituzten materialtasunak eta horiei lotutako kultura zalantzan jarri nahi dituena. LABVAk diziplina arteko talde bat du, arkitekturaren, diseinuaren eta zientziaren ezagutzarekin bat egiten duena, eta ikuspegi holistiko bat, iraunkortasuna ardatz duten material berriak sortzeko.
LABVAk hiru ekintza-esparrutan garatu du bere praktika eta hausnarketa materiala: 1) I+G jatorri biologikoko material berrien sorreran, 2) Biomaterialen ekoizpen aplikatua diseinuaren eta arkitekturaren esparruan, besteak beste; eta 3) Ingurumenaren hedapena herritarren ahalduntzerako, lurralde-fokuarekin.
Erakunde gisa bere gain hartu duen erronka da paleta biomaterial heterogeneoa sortzea, askotarikoa eta jatorri-deiturarekin, gure ingurunean ugari dauden lehengaiei - naturalak eta/edo hondakin antropikoak- lotuta. Lurraldean oinarritutako biomaterialen metodologia erabiliz, Biomateriales Basado en el Territorio (Weiss, Alejandro & Besoain, María José, 2022), organismoen hazkuntzatik eta material berriak garatzeko errezeten sorreratik sortutako biomaterialak garatzen dira.