Lauryn Youden

 

Lauryn Youdenek (Vancouver, Kanada, 1989) gaur egun Berlinen egiten du lan. Performance eta instalazioetako artista eta poeta da. Bere praktika mendebaldeko medikuntza modernoaren ikerketatik dator, medikuntza-industria multzoa, praktika sendagarri “alternatiboak” eta bere gaixotasun kronikoak eta ezintasun ikusezinak tratatzeko medikuntza tradizionala. Bere esperientzia pertsonalak eta medikuntzaren berrebaluazioak lente feminista eta crip queer baten bidez jendaurrean aurkeztean, bere lanak erreprimitutako, baztertutako eta ahaztutako zaintza- eta ezagutza-praktikak argitzen eta defendatzen ditu.

Nazioarteko hainbat erakundetan antzeztu eta erakutsi du bere lana, hala nola: Aargauer Kunsthaus, Aarau (Suitza); Shedhalle, Zürich (Suitza); Berlingo 11. Bienala, Berlin (Alemania), Stedelijk Museum, Amsterdam (Herbehereak); Frye Art Museum, Seattle (AEB); Volksbühne, Berlin (Alemania); Manifesta 12, Palermo (Italia); Württembergischer Kunstverein, Stuttgart (Alemania).

2016an Youdenek Berlin Art Prize saria jaso zuen. Orduz geroztik, egoitza batekin saritu dute Künstlerhaus Bethanien-en, Berlinen (Alemania) 2020an, Rupert-en, Vilniusen 2021ean, eta laster beste egoitza bat du Wysing Arts Centre-en, Cambridgen (Erresuma Batua), Sickness Affinity Group-ekin 2021ean. Youdenek, gaur egun, Ariana Reinesen Invisible College-n parte hartzen du, eta artistek kudeatutako Ashley Berlin (Alemania) zentroaren sortzaile eta zuzendarikidea da.