Leonardo Van Dijl

Leo van Dijl-ek (1991, Belgika) Get Ripped film laburrarekin egin zuen debuta. Film horrek Epaimahaiaren Saria jaso zuen Los Angelesko Outfest zinema-jaialdian. Beste hamaika proiektu zuzentzen jarraitu zuen; dokumentalak eta musika-bideoak, besteak beste. 2015ean, Locarnoko Zinema Jaialdian estreinatu zuen bere bigarren film laburra, Umpire, zeinak Flanders Audiovisual Fund erakundearen film labur onenaren Wildcard saria eskuratu zuen, bai eta Donostia Zinemaldian aipamen berezia ere.