Mary and Max, Adam Elliot

Tabakalerako pantaila partekatua are partekatuagoa egin nahi dugu. Hainbat komunitaterekin ari gara lanean elkarrekin zine programazioan ikuspegi eta lan egiteko modu berriak txertatzeko. Horretarako, azken hilabeteetan hiru lan prozesu jarri ditugu martxan, normalean programazioan presentziarik ez daukaten hiru komunitaterekin: UNIK, Gazteak zinean eta Harrotu ileak. Prozesu hauen azken helburua zine saio bat antolatzea izan da, bidean bakoitzaren esperientziak eta ezagutzak partekatuta. Guztiontzat, bai komunitateak eta bai Tabakalera, elkarrengandik ikasteko aukera izan den hau publikoarekin partekatuko dugu hiru zine saiotan.

Saio hauetako bat UNIK (Adimen kaotikoko unibertso naturala) taldeak programatu du. UNIK elkargune eta sorkuntza-gune irekia da, ondoezaren (psikosoziala) bizipena, enuntziazioa eta politizazioaren inguruan lan egiten duena. Saioa antolatu ahal izateko, Mireia Montané zine programatzailea gonbidatu da. Lau saioetan zehar, taldeak pelikula ezberdinak ikusi ditu, zineari buruz hitz egin du eta guztien artean kezkatzen dituzten gaiei buruzko pelikula bat proiektatzea erabaki dute. 

Mary and Max, Adam Elliot, Australia, 2009, 92', JBAES

Animaziozko plastilinaz egindako historio honetan gutun bidezko adiskidetasun istoria bat kontatzen da. Alde batetik, Mary Dinkle, Melbourneko aldirian bizi den zortzi urteko neska potolo bakarti bat eta bestetik, Max Horovitz, New Yorkeko kaosean bizi den Aspergers sindromea duen 44 urteko judutar gizen bat dira. 20 urtez, eta bi kontinenteetan zehar, Mary eta Maxen adiskidetasunak bizitzaren gorabeherek baino gehiago dirauen erlazio bat izango da.