Mary Ocherrek etengabe sortzen du lan zirraragarri, indartsu, natural, probokatzaile, sozial eta irudimenari dagokionez haize kontrako doana; bertan, autoritatea, nortasuna eta gatazka lantzen ditu. Bere lana maitagarria bezain polarizatzailea da, hasi folk tradizionaletik eta 60ko hamarkadako garage estiloraino, ahots etereoak eta sintetizadore abstraktuak erabiltzen dituen girotik erritmo afrikar eta hego-amerikarrak dituen pop esperimentaleraino. Azken sei urteetan, bost disko-etxerekin estudioko lau album argitaratu ditu, baita etxean egindako grabaketen antologia bikoitza, bi EP eta nahasketen bi bilduma ere. Bere aurreko bakarkako lana Psych Rock & Roll estiloaren kanadar guru King Khanek ekoitzi zuen.
Duela gutxi atera duen The West Against The People albuma Klangbad zigiluan estreinatu zen, eta haren ekoizlea zigiluaren fundatzaile, Faust krautrock talde ospetsuko kide, Hans Joachim Irmler izan da. Talde horretan izen handiko artistek hartu dute parte, besteak beste Felix Kubinek eta Die Tödliche Doris ezagunek. Bigarren edizioa kalean da jada, eta "Best of 2017" zerrenda ugaritan agertzen da. Sustapen-birak 23 herrialdetara eraman du artista orain arte. Duela gutxi, 10 abestiko binilo bat, Faust Studio Sessions and Other Recordings, argitaratu du, Julia Kent eta Hans Unsternen kolaborazioekin.
Mary Ocherrek etengabe sortzen du lan zirraragarri, indartsu, natural, probokatzaile, sozial eta irudimenari dagokionez haize kontra doana; bertan, autoritatea, nortasuna eta gatazka lantzen ditu.