Hilabete bakoitzeko larunbat batean haur eta nagusiek elkarrekin gozatzeko aukera izan dezaten jarduera programa bat eskeintzen dugu. Artista, musikari, dantzari zinemagile, performer, kontalariek... egindako proposamenen eskutik parte-hartzaileek praktika artistiko esperimentalak ezagutzeko aukera izango dute. Modu honetan, normalean ematen ez diren elkarguneak eratzea dugu helburu.
Musiforum emanaldiak esperientzia partehartzailea eta pedagogikoa proposatzen du kontzertu eta lantegi formatuen erdibidean. Parte-hartze soziala bultzatu nahi du (helduak eta umeak, esperientziadun musikariak edo horrelako esperientzia bat bizitzera lehen aldiz hurbiltzen diren pertsonak har dezakete parte), eta konbentzionalak ez diren musikak ezagutzera eman, jokoaren bidez, modu dibertigarri eta informalean.
Archipiel, Álvaro Barriuso eta Ainara LeGardonek osatzen duten ahozko bikotea da. Haien lana inprobisazio librean, poesia fonetiko eta ikusizkoan eta joku forma hartzen duten sortze tresnak garatzean oinarritzen da.
*****
Programa hau doakoa da eta bertan parte hartzeko aldez aurretik izena eman behar da. Espazioaren aforoa 75 eta 150 pertsonen artean ibiliko da, saio bakoitzaren berezitasunen arabera. Ikuskizuna hasi baino 15 minutu lehenago iristea gomendatzen da, bai eta lehenengo solairuko informazio puntutik pasatzea sarreren bila. Behin ikuskizuna hasi denean espaziora sartzea ez da baimenduko.
Musiforum emanaldiak esperientzia partehartzailea eta pedagogikoa proposatzen du. Archipiel, Álvaro Barriuso eta Ainara LeGardonek osatzen duten ahozko bikotea da.