NEST 2023 - Film sarituak

NEST Donostia Zinemaldiak eta Tabakalerak antolatutako zinema-ikasleen film laburren nazioarteko lehiaketa da. 

Urtetik urtera, Nest lehiaketa finkatuz joan da Zinemaldiko sail garrantzitsuenetako gisa, talentu berrien hazitegi dela. Besteak beste, Kiro Russo (El gran movimiento,44 2015), Isabel Lamberti (La última primavera, 2020), Grigory Kolomytsev (Chupacabra, 2020) eta Oren Gerner (África, 2019) bezalako zinemagileak sail honetan hasi zuten euren ibilbideak, non Donostiako Zinemaldian eta nazioarteko zirkuituko beste hainbat zinema-jaialdietan beren filmak aurkeztu dituzte.

Gaurko saioa Elias Querejeta Zine Eskolako Celeste Rojas eta Louise Martin ikasleek egindako making of -ak eta 71. edizio honetan saritutako film laburrek osatuko dute.

NEST 2023 saria

AMMA KI KATHA, Nehal Vyas, India, 2023, 21’

California Institute of the Arts School of Film/Video

“India, nire nazioa, berreraikitzen ari dira. Indiako zimenduak lur imajinatu batean ari dira ezartzen, ziurtatzen dutenez nire amonaren Jainkoaren jaioterria den horretan. Amonak udako gau askotan transmititu zidan mitologian, bere Jainko hori magikoa, atsegina, irudimentsua eta demokratikoa zen, nire Indiak izan behar zuen bezalakoxea. Baina gaur egun, bertsio eta berrinterpretazio ugari dituenez, ipuin hura baliabide politiko gisa ari da erabiltzen hindutva estatu baten nahi bortitza adierazteko. Pelikula honen asmoa ahaztutako nazio bat gogoratu eta amestea da.”

Aipamen berezia

ENTRE LES AUTRES, Marie Falys, Belgika, 2023, 23’

Institut de Arts de Diffusion - IAD

“Adèlek 12 urte ditu eta ez du eskolara itzuli nahi. Nahiago du monopatinean ibili eta besteei urrutitik begiratu. Alabaina, isolamendu horrek zalantzan jarriko du zer-nolako emakumea izan nahi duen heltzean.”