In No Great Hurry: 13 Lessons in Life with Saul Leiter, Tomas Leach

ELKARRIZKETAK: Saul Leiter. Amaitu gabeko mundua.

Kutxa Fundazioak erakusketa bat eskaini dio Saul Leiter argazkilariari, Anne Morinek komisariatua. Beti gustatu izan zaigu Kutxa Fundazioaren erakusketei lotuta zine aretoan proiekzioak egitea, argazkilaritzaren eta zinearen arteko bidegurutze horretan edo, orohar, artearen eta zinearen artekoan zer gertatzen den jakiteko. Saul Leiterren kasuan, zinegile askorentzat erreferentzia handia izan den argazkilaria da eta, beraz, Saul Leiter. Amaitu gabeko mundua erakusketa bi proiekziorekin osatzea erabaki dugu.

Urriak 3, osteguna, 19:00

In No Great Hurry: 13 Lessons in Life with Saul Leiter filmaren proiekzioa

Tomas Leach, EEUU, 2013, 75’ jatorrizko bertsioa ingelesez, gaztelaniazko azpitituluekin,

Aurkezpena: Gloria Crespo MacLennan, erredaktorea eta editore grafikoa.

Urriak 10, osteguna, 19:00

Revolutionary Road, Sam Mendes, AEB, 2008, 114’ jatorrizko bertsioa ingelesez, gaztelaniazko azpitituluekin,

Sinopsia: In No Great Hurry: 13 Lessons in Life with Saul Leiter

«Edertasunaren bilaketa izan badela uste dut».
Saul Leiter koloretako argazkigintzaren aitzindari handia izan zitekeen, baina inoiz ez zuen arrakastaren erakargarritasunak liluratu. Horren ordez, nahiago izan zuen kafea hartu eta argazkiak atera bere erara, egun New Yorkeko bere apartamentuan pilatuta dagoen obra
ederren artxibo bat osatu arte.
Film dibertigarria, intimoa eta hunkigarria, In No Great Hurry Saulen atzetik doa, oroitzapenez betetako apartamentu bat garbitu, 80 urterekin mundu osoan ospetsu egin eta zinemagile gogaikarri bati izkin egiten dion bitartean.

Tomas Leach