Manarán mentiras de mis labios proposamenak planteatzen du berrikustea emakumearen rola eta diktadura frankistan zehar Emakumeen Atalak ezarritako hezkuntza zorrotzak izan duen eragina.
Horren helburua zen emakumea heztea eta berezkoa duen egitekora bideratzea: “gaitzea, etxea utzi behar izan ez dezan, eta, bertatik, lan egitea familia mantentzen laguntzeko”. Horren atzean ezkutatzen da diktaduraren errealitate manipulatzaile eta mingarrienetako bat. “Geroz eta neska gehiago ari dira sartzen unibertsitateko ikasgeletan, eta ibilbide independenteak nahi dituzte” albistearen aurrean, estatuaren kontrol zorrotza aplikatu zen. Biztanleriari egindako minak agerian uzten zuen emakumea kontrolatu eta menderatzeko beharra.
Ekintzaren azaleko zintzotasunaren pisua nabari dugu oraindik emakume horien biloba, alaba, iloba edo oinordekoak garenok, berriro heztera behartu baitzituzten, “testuinguru alai eta garbi batean, argitasunez eta xehetasunez betea”. Gezurrezko eskuzabaltasun horrek are gogorragoa egiten du gelditu diren aztarnak aitortzea.
Emakumeen Atalaren seinaleak, markak, kontaketak, irudiak eta ondare‑eraikuntzak nahiz horien arrastoak berriro irakurtzea. Proiektuaren helburua da guk, haien oinordeko gisa, gizartean dugun rolari buruz hausnartzea, eta galderak, irakurketak nahiz irudi poetikoak planteatzea.
