Ainize Sarasola zinemagilea eta artista da. Orain arte hiru film labur egin ditu, horietako bat 2017an Portland Underground Film Festibalean hautatutako Tarot Night. Hurrengo urtean estreinatu zen bere lehen film luzea, Killing Time (2018). Orain arte egindako lan zinematografikoak underground zinemaren esparruan garatu ditu.
Artista gisa marrazketa, pintura, komikia, collagea eta bideo esperimentala lantzen ditu. Bere ibilbide artistikoan hainbat beka eta sari jaso ditu, hala nola Monte Hermoso Kultur Etxeak emandako sorkuntzarako laguntza, edo Eusko Jaurlaritzako Arte Plastiko eta Bisualen arloan jarduerak sustatzeko eta garatzeko dirulaguntzak. 2009az geroztik, erakusketak egiten ari da, taldeka zein banaka. Azken erakusketa Ultraviolence izan da 2022an, Gipuzkoako Foru Aldundiaren Egile programaren barruan egina. 2023an, beste egile batzuekin batera, Dating Advices for young ladies komiki-liburua argitaratu zuen. 2019az geroztik, bideoblog izeneko proiektu batean ari da lanean. Videoblog denboran zabaltzen den eguneroko moduko bat da. Proiektu honetan bere eguneroko bizitzako irudiekin egindako bideoak biltzen ditu, istorio narratiboekin eta soinuarekin nahasten dituenak.
Egun ROSA Y VIOLETA bere bigarren film luzea garatzen ari da, NOKA Mentoring programaren barruan.