Maia Iribarne Olhagarai

Maia Iribarne Olhagarai (Lasa, 1995) musikaria eta film egilea da. Aretxabaletako Mondragon Unibertsitatean ikus-entzunezko komunikazioa ikasi zuen. Ondotik, arte bisual eta hezkuntza ikerketa masterra burutu zuen 2018an, Bartzelonako Arte Ederren fakultatean. Sormenezko dokumentalgintzan berezitu zen berantago Frantzian, Lussas-eko zinema eskolan (Ecole documentaire de Lussas, Ardèche Images). 2023an, Paxkal Irigoyenekin zuzendu eta ekoitzitako Bañolet fikziozko filma estreinatu zuen. Gaur egun, musika eta ikus-entzunezkoak uztartzen ditu bere lan eta praktika artistikoan. Musika talde eta proiektu ezberdinetan jotzen du (Habia, Bloñ…) eta Altxaliliak dokumental luzea garatzen ari da NOKA Mentoring programaren barne.