Ricardo Hueso Alonso

Fisikako katedraduna da Euskal Herriko Unibertsitatean, eta Bilboko Ingeniaritza Eskolan irakasten du. Bere ikerketa atmosfera planetarioen azterketan oinarritzen da, Jupiter, Marte edo Venus bezalako planeta desberdinetako atmosferen portaera aztertuz. Horretarako, lurreko edo espazioko teleskopioekin lortutako behaketa astronomikoak eta hainbat misio espazialek jasotako datuak erabiltzen ditu. Europako Espazio Agentziako misioetako (Venus Express, Mars Express, JUICE eta Envision) eta NASAko misioetako (Mars 2020) zientzialari taldeetako kide da, eta Jupiter planetako inpaktuen ikerketan aditua da.