Orihuelan (Alacant) jaiotako 52 urteko argazkilari dokumentala. Informazio Zientzietan lizentziatua Euskal Herriko Unibertsitatean, Bilbon.
2009an, Natalia Troitiño diseinatzailearekin batera, Fiesta Ediciones argitaletxea jarri zuen martxan. 2013an, Ima Concept (Tokio) eta LE BALen (Paris) erakutsi zuen bere lana, "New Spanish Horizon" talde-erakusketan. Hau bera 2017an aurkeztu zen Les Rencontres d 'Arles-en, BlankPaper kolektiboari buruzko erakusketa baten esparruan.
Urte horretan bertan, Madrilgo Erkidegoko Kultura Saria jaso zuen. 2019an, Musée Nicéphore Niépcek (Frantzia) "Estudio elemental de Levante" erakusketa aurkeztu zuen, 5 proiektu biltzen dituen bakarkako erakusketa.
Azaroan "Los tamarindos de la Concha" lan berria erakutsiko du Donostiako Artegunea Kutxa Fundazioaren aretoan.
Honako liburu hauek argitaratu ditu: El Ficus del Parterre (GVA Consorci Museus, 2023), TOT (Dalpine-torch press, 2022), Estudio elemental del Levante (Dalpine-torch press-The Ice Plant), Sol (Dalpine, 2018), El blanco (Dalpine, 2016), El porqué de las naranjas (Mack Books, 2014), Paloma al aire (Photovision-Schaden-Dewi Lewis, 2011), La caza del lobo congelado (Fiesta Ediciones-Cuadernos de la Kursala, Cadiz Unibertsitatea, 2009) eta Belleza de barrio (Extremadurako Unibertsitatea, 2008).