楊引弘 edo Sam Yang (Tainan, Taiwan, 1985) Ekonomia eta Enpresen Administrazioan ikasketaduna da, marketin espezialitatean, eta bere ibilbide profesionala anitza bezain intentsoa da. Marketin plangintzaile moduan dihardu, barista moduan ere esperientzia du, eta Taiwaneko 100 enpresari garrantzitsuenetako baten klub pribatuan sukaldari gisa ere aritu izan da.
2017an, gaztelania ikasten hasi zen, eta horrek Espainiako kulturarekiko benetako pasioa piztu zion. Hori dela eta, 2018an bere jatetxe espainiar propioa irekitzea erabaki zuen: Somos, Taiwango polo teknologiko nagusia den Hsinchu hirian kokatutako “tapas bar” bat. Bere helburua taiwandarrei Espainiako sukaldaritza autentikoa ezagutaraztea izan zen, Paella eta Patata Tortilla bezalako plater klasikoetatik harago, Espainiako sukaldaritzaren eskualde-aniztasuna nabarmentzeko. Aldi berean, grina handia du bere jatorriko kultura ezagutarazteko, eta Europaren eta Taiwaneko/Asiako tradizioen arteko loturak esploratu eta sustatzen ditu.
Gaur egun, marketin aholkulari gisa aritzeaz gain, freelance sukaldari eta janari eta edari kontsultore moduan ere lan egiten du, esperientzia gastronomikoak eta negozioak hobetzeko asmoa duten pertsonei bere ezagutza eskainiz.