Raquel Rodrigo

Raquel Rodrigo Valentzian jaio zen 1984an. Arte Ederrak ikasi zituen eta ondoren denda eta erakusleihoen interiorismoa. Bere lana artearen eta diseinuaren arteko loturaren bilaketan oinarritzen du: tradizioa eta garaikidetasuna, eskuzko lana eta industriala.

Gurutze-puntuarekin egindako brodatua tradizionala da, nazioartekoa, femeninoa eta ikusezina. Historian zehar etxeak jantzi ditu.

Arquicostura proposamenarekin publikoa eta pribatua denaren arteko diskurtsoa eraiki nahi du, eta kalera eraman gurutze-puntua; eraikuntza, lursail eta ez-lekuetan txertatzen den bigarren azala. Ikusleari bere istorio pertsonala helarazten dio, familia, ama, amona eta sutondoko istorio guztiak.