María Belmonte Barrenetxea

María Belmonte Barrenetxeak Historia ikasi zuen Deustuko Unibertsitatean, eta Antropologia Bartzelonako Autonomoan. 1995ean doktoregoa atera zuen Euskal Herriko Unibertsitateko Gizarte Antropologia Sailean, erlijioaren historiari buruzko tesia eginda. Hizkuntzak ere ikasi zituen, eta itzultzaile tekniko-literario eta interprete gisa jarduten du gaur egun. Egile gisa, Peregrinos de la belleza – Viajeros por Italia y Grecia (2015) eta Los senderos del mar (2017) kaleratu ditu, biak ere Acantilado argitaletxearenak. Bilbon jaio zen, eta hainbat hiritan eta Mediterraneoko uharte batean ere bizi izan da; gaur egun, Alt Penedèseko leku –nahiko urrun– batean bizi da, Bartzelonan.