Gerard Horta

Gerard Horta bitarteko irakasle agregatu eta ikertzaile gisa aritzen da Bartzelonako Unibertsitatean. Gizarte Antropologian doktorea da, eta 20 urte hauetan landa-lana egin du Katalunian eta Cabo Verden (Afrikan), hiri-antropologiaren eta erlijio-antropologiaren arloan. Hirurogei bat zientzia-artikulu, liburu eta liburu-kapitulu argitaratu ditu, hala bakarka nola taldean. Besteak beste, hauek aipa daitezke: De la mística a les barricades (2001); Cos i revolució. L’espiritisme català o les paradoxes de la modernitat (2004); L’espai clos (2004); Rambla del Raval de Barcelona (2010), eta Hiace. Antropología de las carreteras en la isla de Santiago (Cabo Verde) (2014) –D. Maletekin–.

Lau poema-liburu argitaratu ditu, baita bi disko ere Kataluniako Triulet rock-taldearekin.