Elisa Arteta

Elisa Arteta dantzaria eta koreografoa da, eta Huarte Arte Garaikidearen Zentroko zuzendarietako bat da. Gorputza aztertzen du, barrutik eta kanpotik: propiozepzioa, gorputzaren eta buruaren arteko harremana, ideologia politikoek gure gorputza zeharkatzeko duten modua edo mugimenduaren bidez normatibotasun horiei erresistentzia egiteko erak. 

Toki askotan egon da ikusgai bere lana: Reina Sofía Museoko Ikasketa Zentroa, Bilboko Guggenheim Museoa edo Berlineko Akademie Der Künste. Hainbat arte-egoitza egin ditu, besteak beste La Casa Encendida eta CA2M, Incheon Art Platform (Hego Korea), Parkinprogress (Nottingham), MAM (Marrakech), Djerassi (California) edo Leal.lav (Tenerife). 2010etik INMEDIACIONES jaialdiaren zuzendarietako bat da, eta 2016tik Huarte arte-ekoizpeneko zentroko zuzendarietako bat da.