Imanol Salaberria

Donostian jaio zen eta Ikus-entzunezko Komunikazioa ikasi zuen Madrilen. Ondoren, Donostiara itzuli eta zinema-errealizazio eta -gidoigintzako hainbat ikastaro egin zituen. Gero, sektore horretan lanean aritu zen; making of-ak eta bideoklip bat egin, eta dokumental batean errealizazio-laguntzaile aritu zen. Bere jarduera artistikoa sare sozialetatik gertu dago; adierazpen-baliabide gisa erabiltzen ditu. Horretarako, aplikazioak eta Interneteko hainbat elementu oinarri hartuta sareetara egokitutako piezak sortzen ditu.