Zinea Sortzen

Zinea Sortzen SL 2008an sortu zen. Ikus-entzunezko kalitatezko edukiak sortzea helburu, bi ildo jorratzen ditu:

Edukiak: Zinea.eus eta ganbara.eus webguneak sortu eta kudeatzen ditu, zinemaren inguruko informazioa euskaraz emateko. Zinea.eus hedabidearen helburua zinemaren inguruko kalitatezko webgunea egitea da, euskara hutsean, eta batez ere Euskal Herriko ekoizpenei begira. Ganbara.eus, berriz, euskaraz egindako filmen errepositorioa da. Datu-base erraldoi honek ez dauka filmen ustiaketari buruzko helburu komertzialik eta eskubideen jabeak sarean doan jarri badu bakarrik eskaintzen ditu filmak. Horrez gain, filmen gaineko informazio osotua ematen du eta helburuetako bat beste era b ateko materialak ere eskaintzea da horien artean, euskaraz errodatutako film horien gidoiaren bertsio digitalizatua.

Ikus-entzunezko ekoizpena: fikzioan zein dokumentaletan, era askotako gaiak jorratzen ditu bere proiektuetan, baina nabarmen egin du kulturaren eta memoria historikoaren inguruko proiektuen alde. Kasu honetan, maluta* films markarekin egiten ditu bere ekoizpenak. Erreportajeak, websailak, elkarrizketak, formatu askotako edukiak lantzen ditu.