Barrexerka

11 laguneko gazte talde batek osatzen dugu BARREXERKA taldea. Gazteengandik gazteentzako umorezko eta euskarazko produktua eskaintzea dugu helburu, Donostian dagoen hutsune bat betetzea, hain zuzen ere. Gure denbora librea eskaintzen diogu horri guztiari. Duela ia urtebete elkartu ginen lau urtetik buruan genuen ideia hau aurrera eramateko. Ikus-entzunezko esketxak eta zuzeneko antzerkiak uztartzen ditugu ikuslego baten aurrean ordubeteko ekitaldi bat osatuz. Ekitaldi bakoitzean euskal ospetsu bat ekartzen dugu gonbidatu bezala eta hark ere, gurekin batera, esketx eta antzerkietan parte hartzen du.