Mar Coll

Mar Coll Bartzelonan jaio zen 1981ean. 18 urterekin sartu zen ESCACean (Escola Superior de Cinema i Audiovisuals de Catalunya), eta zuzendaritzako espezialitatean graduatu zen. LA ÚLTIMA POLAROID film laburra izan zen haren karrera-amaierako proiektua, eta hainbat sari irabazi zituen, besteak beste, Versión Española lehiaketako hirugarren saria. 

Ondoren, Mexikora joan zen 4 urterako, eta bertan idatzi zuen haren lehen film luzea: TRES DIES AMB LA FAMILIA. ESCACen OPERA PRIMA proiektuaren esparruan ekoitzi zen. Filma 2019ko Malagako Zinemaldian estreinatu zen, eta hiru biznaga sari jaso zituen. Horrez gain, hiru Gaudi sari (zuzendaririk onena, filmik onena eta aktorerik onena) eta Goya sari bat (zuzendari berririk onena) jaso zituen. 

2013an haren bigarren film luzea estreinatu zuen: TOTS VOLEM EL MILLOR PER A ELLA. Valladolideko Seminci Zinemaldia inauguratu zuen, eta Nora Navas aktoreak Zilarrezko Galburua jaso zuen film luze horretan egindako lanagatik. Lan horrekin beste hainbat sari eta aitorpen jaso zituen, besteak beste, emakumezko aktorerik onena kategoriako Gaudi Saria eta Goya sarietarako izendapena.  

Beste bi aldiz egon da zinemaldi horretan, AMICS (2012) eta LA INQUILINA (2015) lanekin. 

Movistar + plataformarentzako MATAR AL PADRE (2018) minitelesaila da haren azken proiektua.

Zuzendari- eta gidoigile-lanak ESCAC zinema-eskolako irakasle-lanarekin uztartzen ditu. Gainera, Zuzendaritza Saileko burua da eskola horretan. 

Puntualki aholkularitza-lanak egin izan ditu hainbat proiektutan, besteak beste, ECAMen “La incubadora” egiasmoan, Oficina Europa Creativa Desk Media Euskadik antolatutako gidoigintza-tailerrean, l’Alternativa zinemaldiko “mentoring projects” proiektuan eta Pompeu Fabra Unibertsitateko GRALetan.