Natalie Bookchin

 

Natalie Bookchin bideoarekin, instalazioekin eta beste baliabide batzuekin lan egiten duen artista da. Bere lana mundu osoan erakutsi eta proiektatzen da, adibidez honako hauetan: MoMA, LACMA, PS1, Mass MOCA, Pompidou Zentroa, MOCA LA, Whitney Museoa, ICP Museoa eta New Yorkeko Kitchen, baita Bartzelonako La Virreina Centro de la Imagen zentroan ere. Beka eta sari asko jaso ditu, horien artean honako hauek emandakoak: California Arts Council, Guggenheim Fundazioa, Durfee Fundazioa, Rockefeller Fundazioa, California Community Foundation, Jerome Fundazioa, Faniel Langlois Fundazioa, Centro Cultural de la Innovación eta MacArthur Fundazioa. Horrez gain, COLA eta NYSCA beka artistikoak jaso ditu, NYSCA/MAFF sari bat eta, orain dela gutxi, Bellagio beka bat. Bere obra enkargatu dute Tate, Creative Time, LACMA eta Walker Art Center zentroek.


Bookchinek gogor egin zuen lan 1990eko hamarkadan eta 2000ko hamarkadaren hasieran RTmark arte aktibistaren kolektiboan, Lev Manovhicekin. Halaber, net.art proiektuetan parte hartu du Alexei Shulgin, Heath Bunting eta beste askorekin batera. Gaur egun film batean ari da lanean, Lacho Bají elkarte erromani-espainiarrarekin eta Bartzelonako LaFundició artisten kolektiboarekin batera. Paraleloki, protesta eta jaikialdi masiboen inguruko bideo saila egiten ari da. Horietan, espazio ikaragarriak agertzen dira kolorez, kartelez, megafonoz, keinuz eta gorputzez beteta, eta, nola ez, pertsona taldeak erresistentzia eginez. Bookchinek SUNY Purchase NY zentroan eta Chicagoko arte-institutuan ikasi zuen, eta Whitney Independent Study programa ikasi. Ondoren, Los Angeleseko CalArts fakultateko irakasle izan zen 1998 eta 2014 bitartean eta gaur egun Rutgers University unibertsitateko komunikabide arloko irakaslea da. Bookchin Brooklynen, New Yorken, bizi da eta bertan egiten du lan.